عجائب الدنيا

  بحضر في ناشيونال جيوغرافيك ادفينشر المهم زي مغامر كدا في اندونيسيا و بعد شوية فجأة كدا جابوهو بسبح في حوض سباحة فخم كدا و رجعوا بالكاميرا لي داخل المبنى زي مضيفين كدا متأنقين جدا و بعد شوية المقدم اثناء ما بسبح كدا قال انتو كلكم متخيلني في فندق اربعة نجوم ، لكن دي مقابر ، طبعا انعقدت حواجبي و قلت كدي النبلعها و نواصل نشوف الموضوع دا شنو ، المهم بعد شوية طلع و لبس هدومه و مشى يستقبل مديرة المقابر ، المهم المفاجأة انو فيها مهبط للهيلوكوبتر ، نزلت المديرة و سلم عليها ، المهم قال ليها دا شنو دا ، قالت ليه دي أفضل مقابر في العالم ، المهم قالت ليه المقابر في بلدنا كلها تقليدية ، فنحن قررنا انو نبني المقابر دي بي رؤية مختلفة فعملنا فيها Family Centre و الناس تجي ترفه و كدا و عاملين فيها متاجر ( للمسلمين و المسيحين ) أي ناس بي حاجاتهم ، و بعد داك المسيحين جنازتهم في الكنيسة ، بانين كنيسة ، و على بعد أمتار في مسجد للمسلمين عشان صلاة الجنازة و الصلوات عامة ، طبعا الحتة معمولة في 500 هكتار أظن أو اكتر المهم و بعد شوية المقدم سألها :
how many people can die here ???
 قالت ليه : about 5 million
 أنا قلت ليهم أيواااااااااااااااا ، وريتونا لكن و قفلت القناة